ကျောက်ခေတ်ဦးလူသားများ နေထိုင်ခဲ့ရာ ပြဒါးလင်းဂူနှင့် ထပ်မံတွေ့ရှိ

ကျောက်ခေတ်ဦးလူသားများ နေထိုင်ခဲ့ရာ ပြဒါးလင်းဂူနှင့် ထပ်မံတွေ့ရှိသည့် ကျောက်ခေတ်နံရံဆေးရေးပန်းချီများရှိရာ ကမ်းပါးနီဒေသအား ရှေးဟောင်းယဉ်ကျေးမှုဇုန် နယ်မြေတစ်ခုအဖြစ် သတ်မှတ်သွားရန်ရှိကြောင်း သိရ


ကျောက်ခေတ်လူသားများ နေထိုင်ခဲ့ရာ ပြဒါးလင်းဂူအား ဇွန် ၁၄ ရက်က တွေ့ရစဉ်
ရှမ်းပြည်နယ်တောင်ပိုင်း တောင်ကြီးခရိုင် ရွာငံမြို့နယ် ဓနုကိုယ်ပိုင်အုပ်ချုပ်ခွင့်ရဒေသအတွင်းရှိ လွန်ခဲ့သော နှစ်ပေါင်း ၁၃၀၀၀ ကျော်က ကျောက်ခတ်ဦး လူသားများ နေထိုင်ခဲ့ရာ ပြဒါးလင်းဂူနှင့် အသစ်ထပ်မံတွေ့ရှိထားသည့် ကမ်းပါးနီ ကျောက်ခေတ်နံရံပန်းချီများ တည်ရှိရာဒေသကို ရှေးဟောင်းယဉ်ကျေးမှုဇုန် နယ်မြေတစ်ခုအဖြစ် သတ်မှတ်ပြီး ပြည်တွင်းပြည်ပ ခရီးသွားများကို ဆွဲဆောင်သွားရန် စီစဉ်ထားကြောင်း ယဉ်ကျေးမှုဝန်ကြီးဌာနမှ သိရသည်။

ကျောက်ခေတ်ဦးလူသားများ နေထိုင်ခဲ့ရာ ပြဒါးလင်းဂူနှင့် အသစ်ထပ်မံတွေ့ရှိထားသည့် ကမ်းပါးနီကျောက်ခေတ်ဦး ယဉ်ကျေးမှုနံရံဆေးရေး ပန်းချီများ တည်ရှိရာဒေသကို စည်းကမ်းညွှန်ကြားချက်များ၊ ဥပဒေများနှင့်အညီ (လက်ရှိ လွှတ်တော်တွင် တင်သွင်းထားဆဲဖြစ်သည့် ရှေးဟောင်းအဆောက်အအုံများ၊ ကာကွယ်ထိန်းသိမ်းရေး ဥပဒေနှင့် ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေး ဥပဒေ) ကာကွယ်ထိန်းသိမ်းမှုများ လုပ်ဆောင်သွားမည်ဖြစ်ကြောင်း ယဉ်ကျေးမှုဝန်ကြီး ဦးအေးမြင့်ကြူက ပြောကြားသည်။

“ပြဒါးလင်းဂူ အပါအ၀င် အသစ်ထပ်မံတွေ့ရှိထားတဲ့ ကမ်းပါးနီက ကျောက်ခေတ်နံရံဆေးရေးပန်းချီရှိရာ ဒေသတွေကို စနစ်တကျပြုပြင် ထိန်းသိမ်းမှုတွေ လုပ်ဆောင်သွားမယ်။ လက်ရှိ လွှတ်တော်ကို ယဉ်ကျေးမှုနဲ့ ပတ်သက်တဲ့ ဥပဒေနှစ်ခု တင်ထားတယ်။ အဲဒီဥပဒေ အတည်ပြုပြီးသွားရင် ဥပဒေပါအတိုင်း တိတိကျကျ လုပ်ဆောင်သွားမယ်။ ပြဒါးလင်းဂူဆိုတာက သမိုင်းတန်ဖိုး အလွန်ကြီးမားတဲ့ နေရာတစ်ခုပါ။ ကျွန်တော်တို့ ဘိုးဘွားတွေရဲ့ အမွေအနှစ်တွေ သမိုင်းတန်ဖိုးဖြတ်လို့ မရပါဘူး။ ဒီနေရာဒေသတွေမှာ လူသားမျိုးနွယ်စုတွေ အတူတကွ နေထိုင်သွားကြတယ်ဆိုတော့ ဟိုးလွန်ခဲ့သော နှစ်ပေါင်းများစွာက ဒီနေရာဟာ ငြိမ်းချမ်းတဲ့နေရာတစ်ခု ဖြစ်ခဲ့တယ်ဆိုတာ အသေအချာပါ။ ဒီနေရာတွေကို ဇုန်နယ်မြေတစ်ခုအဖြစ် သတ်မှတ်သွားဖို့ စီစဉ်နေပါတယ်။ ဇုန်နယ်မြေ တစ်ခုအဖြစ် သတ်မှတ်လိုက်ရင် ဟိုတယ်လို အဆောက်အအုံ ဆောက်ခွင့်ပြုလို့ မရပါဘူး။ သူ့ရဲ့ မူလတည်ရှိနေတဲ့ သဘာဝအတိုင်း ထိန်းသိမ်းသွားနိုင်ဖို့ လုပ်ဆောင်သွားမယ်” ဟု ၎င်းက ပြောကြားသည်။

ကျောက်ခေတ်ဦးလူသားများ နေထိုင်ခဲ့ကြရာ ပြဒါးလင်းဂူနှင့် အသစ်ထပ်မံတွေ့ရှိခဲ့ရာ ကမ်းပါးနီကျေးရွာအနီးမှ ကျောက်ခေတ်နံရံဆေးရေး ပန်းချီများရှိရာ ကျောက်နံရံများပေါ်၌ အမှတ်တရစာသားများ ရေးသားနေမှုများမှာ မူလရှေးဟောင်း ယဉ်ကျေးမှုလက်ရာများအား များစွာထိခိုက်စေခြင်းကြောင့် ထိရောက်စွာ အရေးယူသွားမည်ဖြစ်ကြောင်း ၎င်းက ဆိုသည်။

ကျောက်ခေတ်နံရံဆေးရေး ပန်းချီများ ထပ်မံတွေ့ရှိရာနေရာအား ယဉ်ကျေးမှုဝန်ကြီးဌာနမှ ထိန်းသိမ်းကာကွယ် စောင့်ရှောက်မှုများ၊ သုတေသနပြုလုပ်၍ ယခင်တွေ့ရှိထားမှုများနှင့် နှိုင်းယှဉ်လေ့လာခြင်းနှင့် သက်ဆိုင်ရာ ဘာသာရပ်များအလိုက် ကျွမ်းကျင်ပညာရှင်များနှင့်အတူ ထပ်မံပြီး တူးဖော်ရှာဖွေလေ့လာမှုများ ဆက်လက်လုပ်ဆောင်သွားမည်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန ညွှန်ကြားရေးမှူးချုပ် ဦးကျော်ဦးလွင်က ပြောကြားသည်။

Writer:
ဌေးလှအောင်
- See more at: http://news-eleven.com/%E1%80%BB%E1%80%95%E1%80%8A%E1%80%B9%E1%80%90%E1%80%BC%E1%80%84%E1%80%B9%E1%80%B8-%E1%80%9E%E1%80%90%E1%80%84%E1%80%B9%E1%80%B8%E1%80%99%E1%80%BA%E1%80%AC%E1%80%B8/%E1%80%B1%E1%80%80%E1%80%BA%E1%80%AC%E1%80%80%E1%80%B9%E1%80%B1%E1%80%81%E1%80%90%E1%80%B9%E1%80%A5%E1%80%AE%E1%80%B8%E1%80%9C%E1%80%B0%E1%80%9E%E1%80%AC%E1%80%B8%E1%80%99%E1%80%BA%E1%80%AC%E1%80%B8-%E1%80%B1%E1%80%94%E1%80%91%E1%80%AF%E1%80%AD%E1%80%84%E1%80%B9%E1%80%81%E1%80%B2%E1%80%B7%E1%80%9B%E1%80%AC-%E1%80%BB%E1%80%95%E1%80%92%E1%80%AB%E1%80%B8%E1%80%9C%E1%80%84%E1%80%B9%E1%80%B8%E1%80%82%E1%80%B0%E1%82%8F%E1%80%BD%E1%80%84%E1%80%B9%E1%80%B7-%E1%80%91%E1%80%95%E1%80%B9%E1%80%99%E1%80%B6%E1%80%B1%E1%80%90%E1%80%BC%E1%82%95%E1%80%9B%E1%80%BD%E1%80%AD%E1%80%9E%E1%80%8A%E1%80%B9%E1%80%B7#sthash.yoR6Fllp.dpuf